Атырауда "бомба қойылды" деген хабардан кейін мектептен 800 оқушы мен 70 мұғалім эвакуацияланды
Сурет: видеодан скриншот
Атырауда №2 мектеп директорына білім ошағында "жарылғыш зат бар екені" туралы хабарлама келген. Бұл туралы ол "102" операторына айтты, деп хабарлайды Zakon.kz Атырау облыстық полиция департаментінің баспасөз қызметіне сілтеме жасап.
Полиция қызметкерлері мектептен 800-ге жуық оқушы мен 70 мұғалімді эвакуациялағанын атап өтті.
№2 мектеп ғимаратынан жарылғыш зат табылмады. Қазір хабарламаның иесін анықтау жүргізіліп жатыр.Атырау облысы ПД баспасөз қызметі
Облыстық полиция департаменті хабарламаны айтқан адам лаңкестік актісі туралы жалған ақпарат таратқаны үшін ҚР Қылмыстық кодексi 273-бабы бойынша жазаланатынын еске салды.
19 қыркүйекте Ішкі істер министрлігі Экстремизмге қарсы күрес департаменті бастығының орынбасары Дархан Разуев кәмелетке толмағандардың объектілерді "бомбалаған" фактілері туралы айтты. Ол кейінгі кездері Астана мен Алматыда, еліміздің жекелеген аймақтарында ірі сауда және ойын-сауық орталықтары, әуежайлар, мектептер, сот ғимараттары, тіпті ауруханалар бірнеше рет белгісіз біреулердің анонимді шабуылдарына ұшырағанын еске салды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Тәулік
Апта
Ай
Жыл
