АҚШ-тағы Сент-Луис мектебінде атыс болып, үш адам қаза тапты

АҚШ-тың Миссури штатындағы Сент-Луис қаласындағы мектепте атыс болып, үш адам, оның ішінде жасөспірім қыз мен бір әйел қаза тапты, деп хабарлайды Zakon.kz.

Сондай-ақ, тағы сегіз адам зардап шекті, деп хабарлайды Fox News жергілікті полицияға сілтеме жасап.

Оқиға 24 қазанда Бейнелеу өнері және сахналық өнер орта мектебінде таңертең болған. Жасы 20-лар шамасындағы жас жігіт ұзын ұңғылы қарудан ата бастады. Оқиға орнына полиция мен ФБР келді. Балалар эвакуацияланды, студенттердің бір бөлігі тәртіп сақшылары келгенше ғимараттан шығып кетті.

Шабуылдаушы полициямен атыс болып, қаза тапты.

Қазіргі уақытта ФБР оқиғаны тергеп жатыр.