Тоқаев: Атырауда 10 жыл бұрын салына бастаған Концерт залы әлі қолдануға берілмеген

Атырау, Концерт салы, Құрманғазы, сурет - Zakon.kz жаңалық 08.11.2022 12:29

Сурет: akorda.kz

Атырау облысы жұртшылығымен кездесуінде мемлекет басшысы Қасым-Жомарт Тоқаев құрылысы 10 жылға созылған Концерт залын салып бітіруді, қажет болса инвесторлар тартуды тапсырды, деп хабарлайды Zakon.kz.

"Атырау әрбір тұрғынға қолайлы, таза, заманауи қалаға айналуға тиіс" деген Президент Қалада кейбір нысандардың құрылысы көп жылдан бері тоқтап тұрғанын тілге тиек етті.

10 жыл бұрын салына бастаған Концерт залы әлі пайдалануға берілген жоқ. Тіпті, оның ғимараты жарамсыз күйге түсті. Үкімет әкімдікпен бірлесіп, осындай нысандарды салып бітіру мәселесін біржола шешуге тиіс. Қажет болса, инвесторларды тартыңыздар. Халық мұндай ғимараттардың игілігін көруі қажет Қасым-Жомарт Тоқаев

Мемлекет басшысы облыстағы мәдениет саласын дамытуға ерекше назар аудару керек екенін айтты.

Қалада мәдениет орындарының көбірек болғаны жөн. Мен Атырау қаласында дарынды жастар үшін мәдениет және шығармашылық орталығын салуды тапсырамын. Қасым-Жомарт Тоқаев

Осы орайда Мемлекет басшысы жаңа орталыққа қазақ күй өнерінің алыбы –Құрманғазының есімін беруді ұсынды.

Оқи отырыңыз