Тұрсынбекова Қажыкеннен артында кімдер тұрғанын сұрады

Телевизиялық дебат, сурет - Zakon.kz жаңалық 11.11.2022 21:00

Сурет: видеодан алынды

Президенттіктен үміткер Салтанат Тұрсынбекова 11 қарашадағы телевизиялық дебат кезінде қарсыласы Мейрам Қажыкеннен артында кімдер тұрғанын сұрады, деп хабарлайды Zakon.kz.

Тұрсынбекова осында тұрғандардың көбісін танитынын, бірақ ол туралы мәлімет өзінде аз екенін айтты. Сондайақ ол Қажыкеннің компаниясы да көңілге қонымсыз екенін жеткізді.

"Қажыкен мырза, Сіз кімсіз? Сіздің артыңызда кімдер тұрғанын білуге болады ма?" Салтанат Тұрсынбекова

Өз жауабында Мейрам Қажыкен түрлі ғылыми конференцияларға қатысып жүргендіктен, басылымдағы мақалалары арқылы да әріптестері, сол секілді шетелдегі әріптестері де өзін жақсы білетінін жеткізді.

Ол өз ортасында, кәсіби мамандар арасында танымал екенін атап өтті.

Менің артымда кімдер тұр деген сұраққа келетін болсақ. Менің артымда кәсіподақтар тұр. Солар мені ұсынған. Мені ұсынып, президенттік сайлауға түсуімді сұраушы - 1 миллион 100 мың адам. Мейрам Қажыкен

Оқи отырыңыз