Қазақстан Ресейдің Еуразиялық даму банкіндегі акциясының 4,2 пайызын сатып алады
Сурет: Zakon.kz
Қаржы министрлігі басшысының айтуынша, қазір Қазақстанның Ресейден Еуразиялық даму банкіндегі 4,2 пайыз акциясын сатып алуы бойынша келіссөздер процесі жүріп жатыр.
"Келіссөздер жүріп жатыр, опцион уақыты болады, нақты төлем болмайды, ол біраз уақыттан кейін өтеді. Оны жылдарға бөлетін болсақ, бұл үлкен жүктеме болмайды деп ойлаймын. Шамамен жылына 7 млрд теңге, оны бірнеше жылға бөлеміз. Бюджетке ауыртпалық болмас үшін жалпы сома шамамен 25-30 миллиард теңге болады". Ерұлан Жамаубаев
Ол Ресейден үлесті сатып алып, сол арқылы Қазақстанның Еуразиялық даму банкіндегі үлесін ұлғайту елдің мәртебесін көтеретінін айтты.
"Бұл мемлекеттің мәртебесін көтеру үшін маңызды". Ерұлан Жамаубаев
БАҚ-та қазіргі таңда Еуразиялық даму банкі акцияларының 65,97%-ы Ресейге, 32,99%-ы Қазақстанға, 1%-ға жуығы Беларуське, қалғаны Тәжікстан, Армения және Қырғызстанға тиесілі екені туралы ақпарат тараған еді.
Еуразиялық даму банкі (ЕАДБ) – қатысушы мемлекеттердің (Армения, Беларусь, Қазақстан, Қырғызстан, Ресей және Тәжікстан) экономикалық өсуіне, олардың арасындағы сауда-экономикалық байланыстарды кеңейтуге және инвестициялық қызмет арқылы еуразиялық кеңістіктегі интеграциялық үдерістерді дамытуға жәрдемдесуге арналған халықаралық қаржы ұйымы.
