Семейде президенттік сайлауда дауыс беру қалай өтіп жатыр

Семей, сайлау учаскесі, сайлау, сурет - Zakon.kz жаңалық 20.11.2022 17:52

Сурет: Семей қаласы әкімдігінің баспасөз қызметі

Таңғы сағат 7-ден бастап Семейдегі барлық сайлау учаскелерінде Президентті сайлау басталды. Шәкәрім атындағы университеттегі №1137 сайлау учаскесінде де дауыс беру жүріп жатыр.

Сайлау учаскесінің төрағасы Серік Түсіпов биыл бірінші рет дауыс бергендерге сыйлықтар берілетінін атап өтті.

"Сайлау учаскесі университет базасында орналасқандықтан, сайлаушыларға Абай мен Шәкәрімнің кітаптарын сыйлауды жөн көрдік. Дәл осындай сыйлықты сайлау учаскесіне алғашқылардың бірі болып келген әже де алды". Серік Түсіпов

Семейлік Светлана Пономарева болашақ президентті таңдауға келді. Ол цемент зауытында краншы болып жұмыс істейді. Ерен еңбегі үшін "Құрмет» орденімен марапатталған.

Оның айтуынша, сайлауға қатысу – әрбір қазақстандықтың азаматтық борышы.

"Отбасының барлық мүшелерін мерекемен, Қазақстан Республикасы Президентін сайлау күнімен құттықтағым келеді. Мен халықты сайлау құқығын пайдалануға шақырғым келеді. Сайлау – әрбір азаматтың жеке ісі, оны іске асыруға құқығы бар", – дейді Светлана.

Оқи отырыңыз