Жапония футболдан әлем чемпионатында жаңа рекорд орнатты

Жапония, Футболдан әлем чемпионаты, футбол, Қатар, сурет - Zakon.kz жаңалық 02.12.2022 11:15

Сурет: Twitter/fifaworldcup

Жапония құрамасының футболшылары әлем чемпионатының тарихына енді. Күншығыс елінің өкілдері топтық раундтың шешуші матчында допқа бар болғаны 17,7% ойын уақытында иелік ете отырып, Испания құрамасын 2:1 есебімен ұтты. Бұл – әлемдік жаңа рекорд, деп хабарлайды Zakon.kz.

Бұрын-соңды әлем чемпионатының тарихында допқа аз иелік еткен команда жеңіске жеткен емес. Жапондық құраманың тәлімгері бұл матчтың басты мақсаты – плей-офф кезеңіне шыққанына риза.

"Қолдағаны үшін барлық жанкүйерімізге, жапон халқына рахмет айтамын. Солардың арқасында біз осы қиын кездесуде жеңіске жеттік. Мен халқымызға мереке сыйлай алғанымызға ризамын әрі қуаныштымын. Ендігі мақсат – плей-офф кезеңінің бірінші ойынында жеңіске жету. Біздің ойыншылар әлемдік аренада тартыстың басқа деңгейін көрсетіп жатыр, біз рекордымызды жаңартып, 1/4 финалға шығып, оны жақсартқымыз келеді", – деді Жапония құрамасының бас бапкері Хадзиме Мориясу.

2022 жылғы футболдан әлем чемпионатының 1/8 финалында Жапония алдыңғы әлем чемпионатының әлемнің вице-чемпиондары – Хорватиямен ойнайды.

Оқи отырыңыз