Димаш Екібастұздағы жағдай туралы: "Жылуы жоқ түрмеде жазасын өтейді деп сенемін"

Екібастұзда апат болды, сурет - Zakon.kz жаңалық 05.12.2022 10:47

Сурет: primeminister.kz

Әнші Димаш Құдайберген Instagram-дағы парақшасында Екібастұздағы төтенше жағдай жөнінде пікірін білдірді, деп хабарлайды Zakon.kz.

Димаш Екібастұз халқы үшін алаңдайтынын жеткізді. Тек әншінің парақшасын басқа елдің адамдары да қарайтын болғасын "ішкі мәселемізді көрсеткім келмеді" деді ол.

"Екібастұздағы халықтың жағдайы үшін алаңдап отырғаным айтпасам да, түсінікті болар. Менің парақшамды көптеген басқа мемлекеттің адамдары оқитын болғасын ішкі мәселемізді сыртқа шығарғым келмеп еді", - деп жазды Димаш.

Сонымен қатар әнші төтенше жағдайға кінәлілер жазасын алады деп сенім білдірді.

"Бірақ мына далада қалған аналарымыздың көз жасы зая кетпесін десеңіздер, ЖЭО басшысынан бастап, кінәлілердің барлығы жауапқа тартылып, жылуы жоқ түрмеде жазасын өтейді деп сенемін…" - деді Димаш Құдайберген.

Посмотреть эту публикацию в Instagram

Публикация от Dimash Qudaibergen (@kudaibergenov.dimash)

Қарашаның 27-сіне қараған түні апат салдарынан Екібастұзда жылу мен ыстық су беру тоқтатылды.

Энергетика министрлігі жылу құбырларының тозуының жоғары деңгейін хабарлады, бұл - 70%-дан астам деген сөз. Жылу желілерінің зақымдануын жоюға жедел бригадалар жұмылды.

28 қарашада Екібастұзда төтенше жағдай жарияланды.

Оқи отырыңыз