Жаңалықтар тізбегі
0

Қазақстанда митингі мен шеру ұйымдастыру жеңілдейді

ҚР парламенті мәжілісі, шеру, митинг, сурет - Zakon.kz жаңалық 07.12.2022 12:38 Сурет: Zakon.kz
Мәжіліс депутаттары кейбір заңнамалық актілерге еңбек даулары мен жанжалдарды шешу тәртібін жеңілдетуге бағытталған түзетулерді бірінші оқылымда мақұлдады, деп хабарлайды Zakon.kz тілшісі.

Мәжіліс депутаты Екатерина Смышляева атап өткендей, елімізде еңбек қатынастарына байланысты митингілер мен ереуілдер саны артып келеді. Олардың көбі келіссөздер кезеңін айналып өтеді. Соның салдарынан барлық наразылықтар заңсыз деп танылып, жұмысшылардың мәселесі шешілмейді.

Оның сөзінше, бұл келіссөздер мен келісім институттарының жұмысындағы кемшіліктерді көрсетеді.

"Осы заң жобасына байланысты келісім комиссиясының рөлін күшейту және мәртебесін арттыру қарастырылып жатыр. Келісім комиссиясының жұмыс тәртібін бірыңғай жергілікті нормативтік құқықтық актіде – Комиссияның жұмысы туралы келісімде көрсету ұсынылады. Қызметкерлерді бұл құжатпен таныстыру жұмыс берушінің міндеті болады.Сонымен бірге заң жобасында келісімнің мазмұны нақты көрсетілген". Екатерина Смышляева

Мәжіліс депутаты келісу комиссиясына жүгінуге құқығы бар тұлғалардың қатарында бұрын еңбек қатынастарында болған қызметкерлер де болатынын атап өтті. Оның ішінде еңбек қатынастары кезеңінде комиссияға арыз жазбағандар да болады. Сондай-ақ өтінімді қайтарып алу мүмкіндігі қарастырлған.

"Жалпы, ереуілдерді ұйымдастыру рәсімдері жеңілдетіледі. Заң жобасы жұмыс берушінің жиналыстар өткізуге арналған үй-жайларды қамтамасыз ету міндетін белгілейді. Оны ұйымдастыру оңайырақ әрі қолжетімді болады". Екатерина Смышляев

Сонымен қатар заң жобасында арбитраждық кезеңде өткізуге болатын "бір сағаттық ескерту шеруі" ұғымы енгізіледі. Ал кәсіпорында бір мезгілде кәсіподақ ұйымы мен жұмысшының сайланған өкілі болса, онда ереуіл туралы шешім қабылдау үшін бірыңғай орган құру қажет болады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: