Қазақ балетінің аңызы Болат Аюханов қайтыс болды
Сурет: wikimedia
Мемлекеттік академиялық би театрының баспасөз қызметі ақпаратты растады.
Болат Аюханов 1938 жылы 13 қыркүйекте Семейде дүниеге келген.
1955 жылы Аюханов Алма-Ата хореографиялық училищесін бітірді, одан кейін 1955-1957 жылдары Ленинград хореографиялық училищесінде тағылымдамадан өтті.
1957-1959 жылдары Абай атындағы Мемлекеттік академиялық опера және балет театрында балет солисі болды. 1959-1964 жылдары А.В.Луначарский атындағы Мәскеу мемлекеттік театр өнері институтының (ГИТИС) балетмейстер бөлімінде оқыды.
1964 жылы Аюханов Алма-Ата хореографиялық училищесінің көркемдік жетекшісі болды.
1967 жылы "Молодой балет Алма-Аты" хореографиялық миниатюра ансамблін құрды.
1971 жылы оның ұжымына «Қазақстан Ленин комсомолы сыйлығының лауреаты» атағы берілді, 1975 жылы «Қазақ КСР-нің Мемлекеттік классикалық би ансамблі» деп аталды, 1998 жылы «Академиялық», 1998 жылы «Академик» атағын алды. 2003 жылы «Қазақстан Республикасының Мемлекеттік академиялық би театры» атанды.
1965-2010 жылдары ол қазақ композиторларының музыкасына отыздан астам балет қойылымдарын қойды.
