Хорватия Катардағы әлем чемпионатының қола жүлдегері атанды

Хорватия Cурет: twitter.com/FIFAcom
Катардағы 2022 жылғы әлем чемпионаты аяқталуға жақын. 17 желтоқсанда Хорватия мен Марокко құрамасы қола медальға таласты, деп хабарлайды Zakon.kz.

Есепті 7-минутта Хорватия құрамасы ашты. Голды Йошко Гвардиол соқты. Екі минут өткен соң, яғни 9-минутта марокколықтар есепті теңестірді.

42-минутта Хорватия Мислав Оршичтің алыс қашықтан соққан голының арқасында тағы да алға шықты, оған Марко Ливая көмектесті. 2:1.

Екінші таймда есеп өзгермеді. Осылайша, Хорватия құрамасы Катарда өткен әлем чемпионатының қола жүлдегері атанды.

Еске салайық, Хорватия 1998 жылғы әлем чемпионатының да қола медалін алған. Ал 2018 жылы финалда Франциядан жеңіліп, күміс медаль иелеген.

Ал Марокко – Африка құрлығынан және араб әлемінен әлем чемпионатының жартылай финалында ойнаған алғашқы ел.

Енді 18 желтоқсанда финалда Аргентина мен Франция ойнайды.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз