Павлодарда қаруланған ер адам ұялы телефон дүкенін тонап кетті

Павлодар облысы, пышақ, телефон дүкені, қарақшылық

Сурет: pixabay

Павлодарда 22 желтоқсанда пышақпен қаруланған ер адам ұялы телефон дүкеніне түсіп, бірнеше ұялы телефон мен ақшаны ұрлап кетті, деп хабарлайды Zakon.kz.

Павлодар облысының полиция департаменті таратқан ақпаратқа сәйкес, сауда үйлерінің бірінде орналасқан ұялы телефон дүкенінде белгісіз ер адам сатушыны пышақпен қорқытып, оның қол-аяғын байлап, 25 ұялы телефонды, оған қоса 305 мың теңгені алып кеткен.

Полицияның мәліметінше, жалпы шығын көлемі шамамен 12 миллион теңге болды.

Қазақстан Республикасының Қылмыстық кодексінің 192-бабының 4-бөлігінің 2-тармағы ("Қарақшылық") бойынша сотқа дейінгі тергеу басталды.

Қазір осы қылмысқа қатысы бар күдіктілерді анықтау және ұстау бойынша жедел-іздестіру шаралары жүргізіліп жатыр.

Оқи отырыңыз

Төтеншеліктер аяғын сындырып алып, тау шатқалында қалып кеткен туристі құтқарды

Қызылордалық полицейлер суға батып бара жатқан адамды құтқарып қалды

Алматы облысының тұрғындары ұрланған 8 жасар қызды құтқарып қалды

Аида Тақабаева

Павлодар