Тоқаев Рим Папасы Францискке көңіл айту жеделхатын жолдады

Сурет: akorda.kz

Мемлекет басшысы жеделхатында Рим Папасы XVI Бенедикттің өмірден озғаны туралы суыт хабарды терең күйзеліспен қабыл алғанын жеткізді, деп хабарлайды Zakon.kz.

"Католик шіркеуінің бұрынғы көшбасшысын әлемге танымал рухани қайраткер, бейбітшілік пен өзара түсіністікті, гуманизм идеяларын ілгерілету жолында қажырлы еңбек сіңірген ұлы тұлға деп білеміз. Адамзат баласына аманат етілген құндылықтарды қорғауға айтарлықтай үлес қосқан Аса Қасиетті XVI Бенедикттің жарқын бейнесі әлем жұртшылығының жадында мәңгі сақталады. Қаралы сәтте қайғыларыңызға ортақтасып, Қазақстан халқының және жеке өзімнің атымнан күллі католик қауымына көңіл айтамын", – деп жазылған Ақорданың ресми сайтында жарияланған жеделхатта.

Оқи отырыңыз

Тоқаев тазы иттердің көрмесін тамашалады

Сандықтағы хат: Тоқаев өтініш-тілектерді орындайды

Шавкат Рахмоновтың Президентпен кездескен сәтінің бейнежазбасы тарады

Аида Тақабаева

Қасым-Жомарт Тоқаев