Алматы-Маңғыстау жолаушылар пойызында поезд бастығы мен жолаушы арасында жанжал шыққан

"2022 жылғы 30 желтоқсанда Тараз станциясындағы желілік полиция бөлімінің қызметкерлері Алматы-Маңғыстау бағытындағы жолаушылар пойызында поезд бастығы мен 37 жастағы жолаушы арасында болған құқықбұзылушылыққа қатысты ҚР Қылмыстық кодексінің 389-бабының 1-бөлігі (Өзінше билік ету) бойынша сотқа дейінгі тергеп-тексеруді бастаған. Қазіргі уақытта қылмыстық іс аумақ бойынша Шымкент станциясындағы желілік полиция бөлімі тергеп-тексеріп жатыр", - делінген polisia.kz-тің 2023 жылғы 15 қаңтардағы хабарламасында.

Бұған қоса, алғашқы тексеруде поездың 37 жастағы жолаушысы ҚР Әкімшілік құқықбұзушылық туралы кодексінің 204-бабы (Қоғамдық орында сауда сату) және 434-бабы (Ұсақ бұзақылық) бойынша әкімшілік жауапкершілікке тартылды.

Сонымен бірге пойыз бастығы аз. Р-ға қатысты ҚР ӘҚБК-нің 434 бабы (Ұсақ бұзақылық) бойынша әкімшілік хаттама толтырылды. 2023 жылғы 17 қаңтарда жоғарыда аталған әкімшілік істер Тараз қаласының арнайы мамандырылған әкімшілік сотына жолданады.