Тоқаев Мәжілісті тарату және мәслихаттардың өкілеттігін мерзімінен бұрын тоқтату жөнінде кеңес өткізді
Сурет: akorda.kz
19 қаңтар күні мемлекет басшысы Қасым-Жомарт Тоқаев Парламент палаталарының төрағаларымен және премьер-министрмен Парламент мәжілісін тарату және мәслихаттардың өкілеттігін мерзімінен бұрын тоқтату жөнінде кеңес өткізді, деп хабарлайды Zakon.kz.
Қасым-Жомарт Тоқаев Қазақстан халқы референдумда саяси өзгерістерге, соның ішінде Парламентті және мәслихаттарды жасақтау тәртібін жаңартуға қолдау білдіргенін айтты, деп жазды Ақорданың ресми сайты.
"Мен қыркүйектегі Жолдауымда алда тұрған сайлау науқандары туралы айттым. Соған сәйкес өткен жылдың қараша айында кезектен тыс Президент сайлауы өтті. Жуырда сенат депутаттарының бір бөлігі сайланды. Енді мәжіліс пен мәслихат сайлауын өткізуіміз керек", – деді Президент.
Мемлекет басшысы Конституцияның 63, 86-баптарына сәйкес өткізген кеңес барысында Парламент сенатының төрағасы Мәулен Әшімбаев, Парламент мәжілісінің төрағасы Ерлан Қошанов және премьер-министр Әлихан Смайылов сөз сөйледі.
Кездесу соңында Президент барлық айтылған ой-тұжырымдарды ескеріп, нақты шешім қабылдайтынын мәлімдеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
