Рыбакина AusOpen-2023 финалына шыққаны үшін жарты миллиард теңге ақшалай сыйақы алады

Рыбакина, сурет - Zakon.kz жаңалық 26.01.2023 18:12

Сурет: Twitter/AustralianOpen

Қазақстанның үздік теннисшісі Елена Рыбакина Австралия ашық біріншілігінің финалына шыққан тарихи жеңісі үшін қомақты жүлде мен рейтинг ұпайларына ие болды, деп хабарлайды Zakon.kz.

Ұйымдастырушылар Австралия чемпионаты басталар алдында жариялаған мәліметтерге сәйкес, ерлер мен әйелдер арасындағы жекелей сында турнирдің финалистерінің әрқайсысына 1 095 000 доллар (505 922 850 теңге) беріледі. Осылайша, Мельбурн корттарында жарыс аяқталғаннан кейін қазақстандық әйел табысын жарты миллиардқа арттыра алады.

Сонымен қатар, Елена Рыбакина қазір WTA рейтингінің Live нұсқасында 10-орынға көтерілді. Бірақ біз әйелдер арасындағы әлемдік рейтингтің соңғы нұсқасын 30 қаңтарда көреміз.

2023 жылдың 26 қаңтарында Қазақстанның бірінші ракеткасы Елена Рыбакина жартылай финалда беларусь теннисшісі Виктория Азаренконы жеңіп, AusOpen-2023 финалына шықты.

AusOpen-2023 шешуші матчындағы қарсылас Магда Линетт (Польша) мен Арина Саболенко (Беларусь) кездесетін екінші жартылай финалдың соңында анықталады.

Оқи отырыңыз