Жақып Асанов Жоғарғы сот басшысы кезіндегі сәтсіздіктері мен жетістіктері туралы айтып берді

Сұқбат, сурет - Zakon.kz жаңалық 26.01.2023 18:55

Сурет: sud.gov.kz

Сенат төрағасының орынбасары Жақып Асанов қос палата дәлізінде журналистерге берген сұқбатында Жоғарғы сот басшысы лауазымындағы сәтсіздіктері мен жетістіктері туралы айтып берді, деп хабарлайды Zakon.kz.

Бұл мәселені журналистер қозғады. Олар одан Жоғарғы соттың бұрынғы басшысы ретінде неден ұялғанын сұрады.

"Заң бұзушылықтарға жол берген көптеген әріптестерім үшін ұят. Ал мен өз кезегіде ештеңе істей алмадым. Өткен жылы журналистермен кездескен кезде, олар судья үшін не маңызды деп сұраған еді. Өз кезегінде мен: "Тәуелсіз болу" деп жауап бердім". ҚР Парламенті Сенатының депутаты, вице-спикер Жақып Асанов

Сондай-ақ ол Жоғарғы соттың төрағасы ретіндегі қандай жетістіктерімен мақтана алатынын айтты.

"Өзім мақтан тұтатын бір жетістік бар. Менің бастамам бойынша кездейсоқ адамдар судья болып тағайындалмайтын болды. Соған қол жеткіздік. 5 жыл ішінде менің бір де бір досым немесе туысым судья болған емес. Неге, өйткені біз сондай жүйені жасап қойдық, сүзгілер орнаттық, білімі жоқ кез келген адам әрі білігі де болмаса, судья бола алмайды бізде". Жақып Асанов

Оқи отырыңыз