ҰҚК-нің арнайы операциясы: Шымкент пен Қонаевта есірткі синдикатының ұйымдастырушысы мен сыбайластары ұсталды

Заңсыз есірткі тасымалдағандар ұсталды, сурет - Zakon.kz жаңалық 01.02.2023 14:35

Сурет: gov.kz

Ұлттық қауіпсіздік комитеті Қазақстанда аса ірі көлемде синтетикалық есірткі жеткізу және сату бойынша тұрақты арна ұйымдастырған қылмыстық топтың қызметін тоқтатты, деп хабарлайды Zakon.kz.

ҰҚК мәліметінше, «Мефедрон» және «альфа-PVP» әлеуметтік желілер мен мессенджерлер арқылы саудаланған. Есірткі жасырын орындардың координаттарын беру арқылы бетпе бет кездесусіз алынып отырған.

"Жинақталған бұлтартпас айғақтардың нәтижесінде Шымкент және Қонаев қалаларында есірткі синдикатының ұйымдастырушысы мен үш көмекшісі ұсталды." ҰҚК баспасөз қызметі

Тінту барысында заңсыз айналымынан 103 келі синтетикалық есірткі алынды.

Өлімге әкелетін «тауарды» Астана, Алматы, Қонаев, Көкшетау, Шымкент, Тараз, Қызылорда және Өскемен қалаларында тарату көзделген.

Есірткіні бизнесіне қарсы іс-қимыл жалғасуда.

2023 жылдың 27 қаңтарында ҚР ҰҚК тұтқынның Орал колониясында терроризмді насихаттағаны үшін сотталғанын хабарлады.