Украинаның Донецк облысында қиянкескі ұрыс жүріп жатыр

Украинада жойқын соғыс жүріп жатыр, сурет - Zakon.kz жаңалық 06.02.2023 13:46

Сурет: pixabay

Украинаның Донецк облысында қиянкескі ұрыс жүріп жатыр. Президент Владимир Зеленскийдің сөзінше, Ресей елге басып кіргеніне 1 жыл толар алдында шабуылды күшейткен, деп хабарлайды Zakon.kz.

Ол Мәскеу ақпараттық жағынан да қысымды арттырғанын мәлімдеді.

Басқыншылар ақпанда символдық әрекет жасауды жоспарлап отыр деген мәлімет бар. Былтырғы жеңіліс үшін кек алуды көздейді. Майданның түрлі бөлігінда, ақпарат кеңістігінде қысым артып отыр. Дегенмен жағдай қаншалықты қиын болса да, төзу керек. Владимир Зеленский, Украина президенті.

Ресми Мәскеу де Бахмутта Украина әскерін бірнеше бағыттан ығыстырғанын мәлімдеді. Бұған қоса, олар мұнда Украина күштеріне құрал-жабдық жеткізетін жолды бақылауға алуға тырысып жатыр.

Британия барлаушыларының дерегіне сай, Ресей күштері алдағы 10 күн ішінде ірі шабуыл бастауды жоспарлап отыр.

Оқи отырыңыз