Қазақстанда 11 жастағы қыздарға папилломаға қарсы екпе салынуы мүмкін

Папиллома, вакцина, Денсаулық сақтау министрлігі, қыз, сурет - Zakon.kz жаңалық 20.02.2023 15:17

Сурет: Zakon.kz/Павел Михеев

Денсаулық сақтау министрлігі медициналық көмектің кепілдік берілген көлемі шеңберінде оларға қарсы міндетті профилактикалық екпелер жүргізілетін аурулардың тізбесіне толықтыру әзірледі, деп хабарлайды Zakon.kz.

Атап айтқанда, медициналық көмектің кепілдік берілген көлемі аясында 11 жастағы қыздарға адам папилломасы вирусына (бұдан әрі – АПВ) қарсы вакцина салу жоспарланған.

Бұл жағдайда вакцина қыздың екпе салдыруға келісімін алғаннан кейін салынады.

Вакцинациялау үшін Қазақстан Республикасында онкологиялық ауруларға қарсы күрес жөніндегі 2023-2025 жылдарға арналған кешенді жоспар шеңберінде АПВ-ға қарсы вакцинаны сатып алуға арналған шығыстар республикалық бюджеттен болжанатыны жазылған.

"Қажетті қаржыландырудың жобалық есептеулері ҚР Қаржы министрлігімен жұмыс тәртібінде келісу сатысында. Бұдан кейін Республикалық бюджеттік комиссияның жуық арадағы отырысына шығарылады", – делінген құжат түсіндірмесінде.

Құжат 3 наурызға дейін талқылау үшін Ашық НҚА сайтында жарияланды.

Оқи отырыңыз