Саратовтағы қазақстандық әскери қызметшінің өлімі: ІІМ пікір білдірді

Сурет: Zakon.kz

Қазақстанның Ішкі істер министрлігі Ресей Ұлттық ұланының Саратов әскери институтында оқитын курсанттың өліміне қатысты пікір білдірді, деп хабарлайды Zakon.kz.

Ведомствоның баспасөз қызметі хабарлауынша, 19 ақпанда Саратов әскери институтында ҚР Ұлттық ұланының 3-курс курсанты қайтыс болды.

"Ол 2020 жылы "Арыстан" мамандандырылған лицейін бітірген соң, іріктеуден өтіп, Ресей Ұлттық ұлан әскерлерінің Әскери институтына "Ұлттық қауіпсіздікті құқықтық қамтамасыз ету" мамандығы бойынша оқуға жіберілді".ҚР Ішкі істер министрлігінің баспасөз қызметі

Бұған дейін Ресей гвардиясы департаментінің баспасөз қызметі аталған факті бойынша тергеу болып жатқанын хабарлаған. Оқиғаның мән-жайы анықталып жатыр.

Оқи отырыңыз