Жаңалықтар тізбегі
0

Қазақстанда көппәтерлі тұрғын үйлерді басқарудың жаңа тетігі енгізіледі

Тұрғын үй туралы заң жобасы, көппәтерлі тұрғын үйлерді басқару тетігі, сурет - Zakon.kz жаңалық 23.02.2023 13:22 Сурет: Алматы қаласы әкімдігінің баспасөз қызметі
Сенат депутаттары палатаның 23 ақпандағы жалпы отырысында Қазақстандағы көппәтерлі тұрғын үйлерді басқару тетігін жақсартуға бағытталған заң жобасын мақұлдады. Құжат мемлекет басшысының қол қоюына жіберілді, деп хабарлайды Zakon.kz тілшісі.

Бұл норма "Қазақстан Республикасының кейбір заңнамалық актілеріне тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы" заң жобасында қарастырылған.

Құжатты Сенат депутаты Бауыржан Қаниев таныстырды.

Ол 2019 жылы қабылданған мүлік меншік иелерінің бірлестігіне көшу жөніндегі нормалар әлі толық көлемде іске асырылмағанын атап өтті. Басқарудың жаңа нысандарына көшу реформасы шеңберінде көппәтерлі тұрғын үйлердің 85%-ы жай серіктестік нысанына көшті, ал мүлік меншік иелерінің бірлестігін небәрі 11,5% -ы таңдады. Сонымен қатар 1436 көппәтерлі тұрғын үй әлі күнге дейін басқарудың ешқандай түрін таңдаған жоқ.

"Осыған байланысты, Заңда қарапайым серіктестік құру кезінде пәтерлер саны бойынша 30 пәтерге дейін шектеу көзделеді. Бұдан басқа, республика бойынша шамамен 10 211 аз пәтерлі үйлер бар. Мұндай үйлерде пәтерлердің санының аз болуы себепті мүлік меншік иелерінің бірлестігіне немесе қарапайым серіктестікке тиімсіз. Осыған байланысты, басқарудың жаңа нысаны – тікелей бірлескен басқару ұсынылады. Бұл нысанды пәтерлер саны 16-ға дейінгі үйлер үшін жасауға болады.Заң көппәтерлі тұрғын үйлерді басқару тетігін жақсартуға және тұрғын үй қатынастары субъектілерінің кейбір функцияларын нақтылауға; кондоминимум объектілерін басқару және күтіп ұстау жөніндегі қызметте ашықтықты қамтамасыз етуге және осы процеске пәтер иелерін, тұрғын емес үй-жайларды белсенді тартуға бағытталған".Бауыржан Қаниев

Заңмен тұрғындар арасында басқару нысанын таңдау туралы келісімге қол жеткізілмеген немесе олардың ауысуға дайын еместігі бойынша мәселе де шешіледі. Мысалы, жергілікті атқарушы органдардың тұрғын үй инспекциясына бір жылға дейінгі мерзімге уақытша басқарушы компанияны анықтауға мүмкіндік беру туралы норма енгізілуде.

Сонымен қатар, құрылыс салушыға кондоминимум объектісін басқарудың жаңа нысандары құрылғанға дейін алты айға дейінгі мерзімге басқарушы компанияны тартуға мүмкіндік беретін норма көзделеді. Осылайша, Заңмен көп пәтерлі тұрғын үйлерді басқарусыз және күтіп-ұстаусыз қалдырмауға мүмкіндік беретін бірқатар нормалар енгізіледі.

Сонымен қатар Заңмен жеке (бөлек) меншіктегі мүліктің дербес түрлері ретінде тұрақ орындары мен қоймалардың мәртебесін бекіту ұсынылады.

Сенат депутатының айтуынша, тұтастай алғанда, заң жобасы көп пәтерлі тұрғын үйлерді басқару механизмін жақсартатын және тұрғын үй қатынастары субъектілерінің кейбір функцияларын нақтылайтын түзетулерді қамтиды.


Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: