Жаңалықтар тізбегі
0

Қазақстан Германияға мұнай жөнелту процедурасына кірісіп кетті

Мұнай тасымалы, сурет - Zakon.kz жаңалық 23.02.2023 18:16 Сурет: Zakon.kz/Павел Михеев
23 ақпанда "ҚазТрансОйл" АҚ магистральдық мұнай құбырлары жүйесі қазақстандық мұнайды Германияға тасымалдау үшін қабылдай бастады. Бұл туралы Zakon-kz-ға "ҚазТрансОйл" АҚ жұртшылықпен байланыс және ішкі коммуникациялар департаментінің директоры Шыңғыс Ілиясов хабарлады.

Компания сайтында нақтыланып өткендей, ҚР Энергетика министрлігі бекіткен мұнай тасымалы кестесіне сай, "ҚазТрансОйл" АҚ ақпан айында 20 мың тонна көлеміндегі қазақстандық мұнайды "Дружба" мұнай құбырымен "Адамова застава" мұнай бекеті арқылы әрі қарай Германияға жеткізеді.

2022 жылдың желтоқсан айында "ҚазТрансОйл" АҚ 2023 жылы 1,2 млн тонна қазақстандық мұнайды "Транснефть" ЖАҚ магистралды мұнай құбырымен "Адамова застава" мұнай бекеті арқылы Германияға жеткізуге өтінім берген болатын. Мұнайдың бұл транзиті Қазақстан Республикасы мен Ресей Федерациясы үкіметі арасындағы 2002 жылғы 7 маусымдағы келісім шеңберінде жүзеге асады.

Германия 2023 жылы "Дружба" мұнай құбыры арқылы қазақстандық мұнайды жөнелтуге өтінім бергені туралы 2022 жылғы 21 желтоқсанда белгілі болды.

2023 жылы 1 ақпанда ҚР Энергетика министрі Болат Ақшолақов Германияға 20 мың тонна көлемінде мұнайдың бірінші партиясын қаңтар айының соңында жіберу жоспарланғанын, бірақ бұл бағытта техникалық қиындықтар туындағанын айтты. Ол мұнайды жеткізу ақпанның бірінші жартысында жүзеге асырылатынын хабарлаған болатын. 

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: