Ұлттық экономика министрі әйелдердің мемлекеттік қызметтегі үлесі туралы айтты

Министр берген мәліметке сүйенсек, саяси лауазымдарда 59 әйел жұмыс істейді. Олардың ішінде министрлер, агенттіктің, Жоғары аудиторлық палатаның және Конституциялық соттың төрағалары, облыстардың және қала әкімдерінің орынбасарлары да бар. Шағын және орта бизнестегі әйелдердің үлесі 2011 жылы 38,4% болса, 2021 жылы 44,6%-ға жеткен. Сонымен қатар елімізде кәсіпорын басшыларының ішінде 30,8%-ы - әйелдер.

"Қоғамның түрлі саласындағы жетістіктерде әйелдердің үлесі зор. Әйелдер елдегі экономикалық және саяси өзгерістерге үлкен оң әсер етеді. Қазақстан тең құқықтары мен мүмкіндіктері бар қоғамды қалыптастыруда елеулі табыстарға қол жеткізді. Республикада гендерлік теңдікті қамтамасыз етудің құқықтық және институционалдық негізі қалыптасты. Заңнамалық деңгейде әйелдерге қатысты кемсітуді жою және ерлер мен әйелдердің тең құқығын ілгерілету көзделген. Елімізде әйелдердің ел өміріндегі рөлін арттыру үшін жағдай жасауға, қазіргі қазақстандық әйелдің мансаптарға табысты жетуіне, мемлекеттік және қоғамдық басқаруға белсенді қатысуына үлкен көңіл бөлініп отыр. 2015 жылы Қазақстан Біріккен Ұлттар Ұйымының Орнықты даму саласындағы мақсаттарын іске асыру жөніндегі міндеттемелерді өзіне қабылдады. Сондағы 17 мақсаттың 12-сі - гендерлік-сезімтал", - деді Ұлттық экономика министрі Әлібек Қуантыров.

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023