Қазақстанда мемлекеттік қызметтегі әйелдердің 40 пайызға жуығы басшылық қызметте

Мемлекеттік қызметтегі әйелдер үлесі, әйел, мемлекеттік қызмет, сурет - Zakon.kz жаңалық 07.03.2023 12:10

Сурет: senate.parlam.kz

Ұлттық экономика министрі Әлібек Қуантыровтың айтуынша, мемлекеттік қызметте жұмыс істейтін әйелдердің 39,2 пайызы басшылық қызметте, деп хабарлайды Zakon.kz.

Үкімет отырысында ол 2010 жылы мемлекеттік қызметтегі әйелдердің үлесі 52,7 пайыз болғанын айтты. Ал 2022 жылы 55,4%-ға жеткен.

"Олардың 39,2%-ы басшылық қызметте. 59 әйел саяси қызметте, оның ішінде министрлер, Агенттік өкілдері, Жоғарғы аудиторлық палата және Конституциялық соттың төрағалары, сондай-ақ облыстар мен қалалар әкімдерінің орынбасарлары бар. Шағын және орта бизнестегі әйелдердің үлесі 2011 жылы 38,4% болса, 2021 жылы 44,6% болды. Кәсіпорын басшыларының ішінде 30,8%-ы әйел адамдар. Әлібек Қуантыров

Министр үкімет мемлекет қатысатын компаниялардың басқару органдарындағы әйелдер үлесін 30%-ға дейін кезең-кезеңімен арттыру үшін шаралар қабылдап жатқанын атап өтті.

Оқи отырыңыз