Үкіметте еліміздің үш облысындағы су тасқынына қарсы жедел шаралар талқыланды

Төтенше жағдай, сурет - Zakon.kz жаңалық 07.03.2023 20:56

Сурет: ҚР ТЖМ

ҚР Премьер-министрінің бірінші орынбасары Роман Склярдың төрағалығымен өткен кеңесте Ақтөбе, Атырау және Қызылорда облыстарының әкімдері орынбасарларының қатысуымен осы өңірлердегі су тасқынына қарсы жедел әрекет ету шаралары талқыланды, деп хабарлайды Zakon.kz.

Кеңес барысында 7 наурызда Ақтөбе, Атырау және Қызылорда облыстарында ауа температурасының күрт көтеріліп, қардың еруіне және жауын-шашынның мол түсуіне байланысты облыстық және аудандық маңызы бар автожолдарды қарғын су шайып өткені туралы хабардар етілді, делінген Үкіметтің баспасөз қызметінің хабарламасында.

Әкімдіктер шұғыл түрде жолдарды нығайту, су ағынын жайылымдық жерлерге қарай бұру бойынша қажетті шараларды қабылдады. Бұған ТЖД қызметтерінің күштері мен техникасы жұмылдырылды.

Қазіргі уақытта жергілікті жерлерде тәулік бойы кезекшілік ұйымдастырылды. Елдімекендерді су басу қаупі жоқ.

Қалған өңірлердегі су тасқыны ахуалының мониторингі – Үкіметтің бақылауында.

Оқи отырыңыз