Тбилисиде шерушілер Еуроодақтың туын жағып жіберді

Грузия, шеру, Еуроодақ, сурет - Zakon.kz жаңалық 15.03.2023 10:33

Сурет: pixabay

"Консервативтік қозғалыс" және Alt-Info радикалды топтарының мүшелері "Батыстың ықпалына қарсы" шеруге шықты, деп хабарлайды Zakon.kz.

Тбилисидің орталығында "Консервативтік қозғалыс" партиясы мен Alt-Info қозғалысының жақтастары "Батыс елдерінің ықпалына" қарсылық танытып шеруге шығып, шетелдік агенттер туралы заңға қарсы наразылық акциясына қатысушыларды сынға алды, деп жазды EADaily.

Наразылық білдірушілер Грузияға шетелдің ықпал етуіне қарсылық танытып, отбасылық құндылықтар мен елдегі тұрақтылықты қолдап шеруге шықты.

"Батыс – біздің үйіміз емес, таңдауымыз емес. Біздің таңдауымыз – Грузия, біздің өткеніміз, бүгініміз және болашағымыз Грузияда". "Консервативтік қозғалыс" жетекшілерінің бірі Шота Мартыненко

Шерушілер Еуроодақтың туын жұлып алып, таптап, өртеп жіберді.

В Тбилиси проходит антизападная акция протеста представителей пророссийской платформы "Альт-Инфо" и партии "Консервативное движение".

Протестующие сорвали флаг Евросоюза, растоптали и сожгли его. pic.twitter.com/5rNgiaRTp9
— Актуальная Россия (@RussiaActually) March 14, 2023