Ұлттық банк төрағасы сайлаудан кейін теңге құнсызданады деген ақпаратқа пікір білдірді

Сурет: Zakon.kz

Сенат отырысында Ұлттық банк төрағасы Ғалымжан Пірматов 19 наурызға белгіленген Мәжіліс пен мәслихат депутаттарының сайлауынан кейін теңгенің құнсыздануы мүмкін деген қауесеттерге қатысты пікір білдірді, деп хабарлайды Zakon.kz.

Ғалымжан Пірматов "ұлттық валюта жақын арада құлдырайды" деген қауесетті жоққа шығарды.

"Сайлау қарсаңында Ұлттық банк айырбас бағамына қандай да бір түрде әсер етіп жатыр" деген қауесеттердің бәрі шындыққа жанаспайды".Ғалымжан Пірматов

Ұлттық банк басшысы валюта нарығындағы барлық әрекетке: алтын-валюта резервтеріне интервенцияға, Ұлттық қор валютасын сатуға, басқа қорлардағы валюталық операцияларға қатысты ашық пікір білдіретінін айтты.

Бұған дейін неліктен теңге әлсіреп, доллар өсіп жатқаны Ұлттық банкте айтылды.

Оқи отырыңыз