Теңгенің нығаюына Ұлттық банк түсініктеме берді

Сурет: Zakon.kz

Үкімет отырысында Ұлттық банк төрағасы Ғалымжан Пірматов теңгенің нығаюын түсіндірді, деп хабарлайды Zakon.kz.

Мамыр айында әлемдік қаржы нарықтарында жалғасып жатқан белгісіздік пен құбылмалылыққа қарамастан, теңге бір долларға 415,16 теңгеге дейін немесе 6,8%-ға нығайды. Ұлттық валютаның нығаюы мұнай мен газдың жоғары нарықтық бағасымен, экспорттаушылардың салық төлемдерімен байланысты. Сондай-ақ жеке тұлғалар тарапынан шетел валютасына сұраныстың төмендеуіне, ресей рублінің нығаюына байланысты нарық қатысушыларының көңіл-күйінің өзгеруімен байланысты. Ұлттық банк төрағасы Ғалымжан Пірматов

Сарапшының пікірінше, валюта нарығындағы ұсыныс квазимемлекеттік сектор субъектілерінің валюталық түсімдерді сатуы арқылы қосымша қолдау тапты, оның көлемі мамырда шамамен $598 млн құрады.

Қысқа мерзімді перспективада теңгенің құбылмалылығы геосаяси жағдайдың өзгеруіне, отандық қатысушылардың күтулеріне және әлемдік нарықтардағы жағдайға байланысты болады. Ұлттық Банк теңгерімсіздіктің жинақталуын болдырмайтын және алтын-валюта резервтерінің сақталуын қамтамасыз ететін икемді айырбас бағамы режимін сақтауды жалғастырады. Ғалымжан Пірматов

Оқи отырыңыз