Шетелдегі қазақстандықтарға арналған соңғы сайлау учаскесі жұмысын аяқтады

Сан-Францискода қазақстандықтар үшін соңғы сайлау учаскесі жабылды. Бұл туралы Zakon.kz журналистіне Сыртқы істер министрлігінің баспасөз қызметінен хабарлады.

Сан-Францискодағы шетелдегі соңғы сайлау учаскесі өз жұмысын аяқтады. Сайлаушылардың келуі 74% құрады, - делінген ресми ақпаратта.

Қазақстанда 19 наурыз күні сағат 07:00-де Парламент Мәжілісі мен мәслихаттар депутаттарының кезектен тыс сайлауы басталды.

Алдын ала мәліметтер бойынша, облыстар мен республикалық маңызы бар қалалар бойынша сайлауға 54,19 пайыз, яғни 6 521 860 адам қатысқан.

Қазақстан халқы Мәжілістің 98 депутатын сайлады, оның 69-ы партиялық тізім бойынша, 29-ы бір мандатты округтер бойынша сайланды.