Санкцияларды айналып өтуге жол бермейтін жүйе: Кремль Қазақстан қабылдаған шараға қатысты пікір білдірді

Санкция, сурет - Zakon.kz жаңалық 24.03.2023 21:22

Сурет: kremlin.ru

РФ Президентінің баспасөз хатшысы Дмитрий Песков Қазақстанның санкцияларды айналып өтуге қарсы күрес жүйесін енгізуіне қатысты түсініктеме берді, деп хабарлайды Zakon.kz.

1 сәуірден бастап Қазақстанның кеден қызметі Ресейге реэкспорттау үшін еліміз арқылы өтетін тауарларды қадағалай бастайды. Бұл туралы жоғары лауазымды қазақстандық шенеунікке сілтеме жасап, британдық Financial Times жазады.

Песковтың айтуынша, "Ресей санкцияларға қосылмаған елдерге ұжымдық Батыстың жасайтын өрескел қысымынан хабардар", - деп хабарлайды РБК.

"Бұл туралы сол мемлекеттердің өздері бізге айтуда. Өкінішке қарай, олар мұндаймен бетпе-бет келуге мәжбүр. Бұл жайт, әрине, біздің тарапымыздан да, сол секілді сол мемлекеттердің тарапынан да ерекше назар аударуды талап етеді. Біз тәуекелдерді азайту үшін серіктестерімізбен тығыз байланыста боламыз". РФ Президентінің баспасөз хатшысы Дмитрий Песков

Песков Қазақстанның тауарларды жеткізу тізбегін бақылайтын және Ресейге қарсы санкцияларды айналып өтуге жол бермейтін мониторинг жүйесін енгізуі Мәскеу мен Астананың екіжақты қарым-қатынастарына еш әсер етпейді және қос ел тәуекелдерді азайту үшін арадағы байланыстарды жандандыра түседі деп сендіреді.

Оқи отырыңыз