Қазақстан Ресейге қарсы санкцияларға қосылу жөнінде ешқандай шешім қабылдаған жоқ
Сурет: kremlin.ru
Ресей Федерациясы президентінің баспасөз хатшысы Дмитрий Песков: «Қазақстан біз үшін дос ел болып қала береді», – деп мәлімдеді, деп хабарлайды Zakon.kz.
Қазақстан әлі Ресейге қарсы санкцияларды қолдау туралы шешім қабылдаған жоқ. Елдер, керісінше, ынтымақтастықты кеңейтуге ниетті, деп хабарлады Кремль өкілі, деп жазды РИА Новости.
Бұған дейін Қазақстан Республикасының Қаржы министрлігі Ресейге жекелеген тауарларды жеткізуге қатысты санкциялардың орындалуын реттейтін бұйрық жобасын қоғамдық талқылауға шығарған болатын. Песковтан «Кремль бұл бастаманы талқылауды қадағалап отыр ма?» деген сыңайда сұрақ қойылды.
Әзірге ешқандай шешім қабылданған жоқ, керісінше, өзара іс-қимылымызды одан әрі кеңейту, шетелден келетін сын-қатерлерге бірлесіп жауап беру және осы жағымсыз әрекеттердің салдарын барынша азайту туралы ниет мәлімделді. Қазірше осыны негізге аламыз. Ресей Федерациясы Президентінің баспасөз хатшысы Дмитрий Песков
Кремль өкілі екі елдің үкіметі «тұрақты байланыста» екенін атап өтіп, бір күн бұрын «Иннопромда» Ресей-Қазақстан үкіметаралық келіссөздері болғанын еске салды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
