Жаңалықтар тізбегі
0

Павлодар оқушылары шетел фильмдерін қазақша дыбыстады

Павлодар оқушылары шетел фильмдерін қазақша дыбыстады, сурет - Zakon.kz жаңалық 30.03.2023 15:25 Сурет: gov.kz
Екібастұзда еліміздегі тұңғыш балалар дубляж студиясы ашылды. Онда оқушылар шетелдің танымал мультфильмдерін өздігінен қазақшаға аударып, дыбыстайды, деп хабарлайды Zakon.kz.

Студия шетелде үздік деп танылған "Сәттілік" мультфильмін қазақша дыбыстап, жергілікті кинотеатрда көрермен назарына ұсынбақ. Сонымен қатар топ алдағы уақытта еліміздің анимациялық студияларымен бірлесіп жұмыс істеуді де жоспарлап отыр. Дубляждау студиясының негізін қалау "Қайнар" оқу-сауықтыру кешенінің педагогы Еркін Құсанның идеясымен жүзеге асқан.     

"Былтыр мамыр айында "Ұлттық колорит" үйірмесін ашып, мемлекеттік тілдегі медиаконтентті іске қостық. Жазғы демалыс уақытында "Бэймакс" мультфильмінің бірінші бөлімін қазақ тіліне тәжімалап, дыбыстап көрдік. Мыңдаған қаралым жинаған нәтиже көрерменге де, өзімізге де ұнады", – дейді педагог.

Дайын жоба "Тәуелсіздік ұрпақтары" байқауына ұсынылған еді. Жоба үздіктердің қатарынан көрініп, 3 миллион теңге көлеміндегі мемлекеттік грантты ұтып алды. Бұл қаражатқа педагог оқушыларымен бірге 50 жеткіншек қатыса алатын жаңа дубляждау студиясын ашып, жабдықтаған. Бүгінде дубляж қыр-сырын меңгеріп жүрген оқушылар жаңа бастамаларды ойластырып жүр.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: