Павлодар облысында оқушылар сабақты биыл мәдениет үйінде оқиды
Сурет: Zakon.kz
Биыл ел бойынша білім мекемелерін жөндеуге ең көп қаржы осы өңірге бөлінген. 9 млрд 200 млн теңге. 46 мектепте күрделі жөндеу басталған. Бірақ жұмыс мардымсыз. Әлеуметтік желіде ата-аналардан шағым көбейді. Есік-терезесі әлі салынбаған мектептердің суретінен көз сүрінеді. Аймақ әкімі білім ошақтарын аралау барысында бұған көз жеткізді, деп жазады qazaqstan.tv.
№9 гимназия мектебіндегі 88 кабинеттің жартысы ғана оқу жылына дайын. Бір кабинетке екі сыныптан отырғызамыз, дейді мектеп директоры. Спорт залына жүргізіліп жатқан жөндеу толық аяқталмаған. Оқушылар күн суытқанға дейін дене шықтыру сабағын стадионда өткізбек.Мердігерлер жөндеу жұмыстарын 1 қыркүйекке дейін аяқтаймыз деп уәде берді. Алайда екі мектептегі жөндеудің әзір бітпейтін түрі бар.
Біреуі Голубовка ауылында, екіншісі Сарышығанақ ауылында. Осы екі мектепте құрылыс жұмыстары осы 1 қазанға дейін аяқталатын болады. Екеуі де мәдениет үйінде оқиды. Әбілқайыр Сқақов, Павлодар облысының әкімі
