Қазақстанда әлеуметтік маңызы бар өнімдердің бағасы төмендеді

Әлеуметтік маңызды азық-түлік бағасы түсті, сурет - Zakon.kz жаңалық 06.04.2023 17:56

Сурет: pixabay

Еліміздің кейбір қалаларында әлеуметтік маңызы бар өнімдердің бағасы сәл төмендеді. Бұған ҚР Ұлттық статистика бюросының соңғы мәліметтері дәлел, деп хабарлайды Zakon.kz.

Ақтау мен Оралда 20-28 наурыз аралығында баға 0,1%-ға төмендеді. Астана, Ақтөбе, Атырау, Қостанай, Өскемен, Петропавл және Талдықорған қалаларында баға өзгеріссіз қалды.

Мәселен, бір аптада Ақтау, Ақтөбе, Атырау, Жезқазған, Көкшетау, Қарағанды, Қонаев, Қостанай және Қызылорда қалаларында картоп бағасы арзандады.

Астана, Жезқазған, Қостанай, Қызылорда, Орал және Түркістанда пияз бағасы, Астана, Ақтөбе, Жезқазған, Қонаев, Қызылорда қалаларында қырыққабат бағасы төмендеді, деп жазады Ranking.kz.

Қазақстандағы инфляция бір жылда 18 пайызға дейін өсті. Азық-түлік тауарларының бағасы 20,5%-ға, азық-түлік емес тауарларға – 18,1%-ға, ақылы қызметтерге – 14,4%-ға өсті.

Оқи отырыңыз