Даниал Ахметов Риддердегі жылу электр орталығының жаңа иелері туралы: Олар ештеңе істемейді
Сурет: Instagram/danial.akhmetov.official
Атап айтқанда, аймақ басшысы Риддер ЖЭО төңірегіндегі жағдай барлығын қызықтыратынын айтты.
"Өкінішке орай, жаңа қожайындар жөндеу, жаңғырту және 3,3 миллиард сомаға қарызды өтеу үшін ештеңе істеп жатқан жоқ. Станция біздің бақылауымызда, ал біз заңнамалық салада әрекет етіп, оны коммуналдық меншікке беру алгоритмін жүзеге асырып жатырмыз." Даниал Ахметов
Маралды ауылындағы алтын өндіру кәсіпорнының құрылысының ахуалына да тоқталды.
"Бұл жерде де біз қатаң түрде Қазақстан Республикасының заңнамасы аясында әрекет ететін боламыз. ҚР ИИДМ мен Экология министрлігіне сұрақтар жіберілді. Егжей-тегжейлі талдаудан кейін түпкілікті шешім қабылданады". Даниал Ахметов
Жалпы, Шығыс Қазақстан облысы әкімінің айтуынша, денсаулық сақтау саласын дамытуға ерекше көңіл бөлініп, гематологиялық орталықтың құрылысы және ауыл медицинасын жаңғырту жұмыстары жалғасуда.
"Біз ана өлімі мен ҚЖА (қан айналымы жүйесі аурулары. – Ред.) ауруынан болатын өлім-жітім көрсеткіштерін төмендете алдық. Сондай-ақ облыста жол құрылысы мен қайта жөндеу жұмыстары қарқынды жүргізілуде, тұрғын үй құрылысымен белсенді айналысудамыз. Білім беру саласында, біз республикалық «Жайлы мектеп» жобасын және ауызекі қазақ тілін үйренуге арналған «Қонақ отбасы» пилоттық жобамызды жүзеге асырып жатырмыз", -Даниал Ахметов.
