Азамат Дәулетбеков екінші жыл қатарынан еркін күрестен Азия чемпионы атанды

АЧ-2023, сурет - Zakon.kz жаңалық 14.04.2023 20:05

Сурет: Instagram/kazakhstan__wrestling

Азамат Дәулетбеков қатарынан екінші рет Азия чемпионы атанды. Ол бір жыл бұрын Ұлан-Батырда (Моңғолия) бұл атақты қорғаған болса, 14 сәуірде Астанада оған тағы шақ келетін ешкім табылмады, деп хабарлайды Zakon.kz.

Азамат Дәулетбеков (86 келі) иран балуаны, үш дүркін Азия чемпионы Алирез Каримимачианиді сенімді түрде жеңді. Осылайша ол еркін күрестен Қазақстан құрамасы үшін төртінші алтын медальды жеңіп алды. Бұған дейін Қазақстанның әнұраны Дархан Есенғали, Санжар Досжанов және Болат Сақаевтың құрметіне шырқалған болатын.

Қазақстан балуандары Азия чемпионатының соңғы күнінде тағы екі алтын медаль еншілеуі мүмкін. Ақтық жекпе-жекте Астана боз кілемінде Ризабек Айтмұхан (92 кг) мен Жүсіп Батырмұрзаев (125 кг) өз бағын сынайды.

Бұған дейін Дархан Есенғали еркін күрестен Азия-2023 чемпионы атанған болатын.

Оқи отырыңыз