Тоқаев православ христиандарын Пасха мерекесімен құттықтады

Мемлекет басшысы бұл – мейірімділікті, бейбітшілікті, әділдікті дәріптеп, жұртшылықты қайырымдылық жасауға, жақындарына жанашыр болуға шақыратын мейрам екенін баса атап өтті.

Президент мемлекет пен қоғамның тұрақты дамуына негіз болып отырған гуманизм, діни төзімділік және тілеулестік сияқты құндылықтарды орнықтыруға Православ қауымы зор үлес қосып келетінін айтты. 

"Қазақстанда заң үстемдігін орнықтыру, азаматтарға тең мүмкіндіктер ұсыну және олардың құқықтары мен бостандықтарын қорғау үшін ауқымды өзгерістер жалғаса береді. Біз жалпыұлттық бірлікті нығайтып, баға жетпес байлығымыз – этностар мәдениетінің және діни салт-дәстүрдің әралуандығын сақтаймыз. Пасха мерекесі әр шаңыраққа шаттық пен қуаныш әкелсін! Баршаңызға зор денсаулық, бақ-береке және толағай табыс тілеймін!". Мемлекет басшысы Қасым-Жомарт Тоқаев

Айта кетсек, Пасха мерекесіне арналған діни рәсім 16 сәуірге қараған түні республикамыздың барлық ғибадатханаларында өтеді.

Оқи отырыңыз

Мемлекет басшысы Өзбекстан Президентіне су тасқыны кезеңнінде көмек көрсеткені үшін алғысын білдірді

12:02, 23 сәуір 2024

Қарин құмар ойындарға қатысты шектеулерді қамтитын заң жобасына қатысты пікір білдірді

21:54, 22 сәуір 2024

Берік Арын АҚИҰ-дың бас директоры болып сайланды

19:00, 22 сәуір 2024