Жаңалықтар тізбегі
0

"Полиция, шіркеу ғимараттары өртенді." Франция халқы тағы көтеріліп кетті

Әлеуметтік желі, сурет - Zakon.kz жаңалық 15.04.2023 11:55 Сурет: Twitter/RadioGenova
Жұма күні Францияның бірқатар қалаларында наразылық акциялары өтті. Қалың бұқара Конституциялық кеңестің зейнетақы реформасының негізгі ережелерін мақұлдаған шешімінен кейін көшеге шығып, оның арты жаппай тәртіпсіздіктерге ұласты, деп хабарлайды Zakon.kz.

BFM телеарнасы құқық қорғау органдарының мәліметтеріне сүйене отырып, Парижде стихиялық наразылық акциясына 4 мыңға жуық адам қатысқанын хабарлады. Наразылық білдірушілердің бірнеше тобы ел астанасының мэрия ғимаратының жанына жиналды. Олар қоқыс жәшіктерін, сырттағы орындықтарды, велосипедтерді өртеп жіберді. Полиция көзден жас ағызатын газды қолдануға мәжбүр болды.

Агрессивті демонстранттар полиция бөліміне шабуыл жасап, алдыңғы есікті өртеген. Нант орталығында трамвай жолдарында өрт болды, префектура ғимаратында полициямен қақтығыстар орын алды. 2,3 мыңға жуық наразылық білдірушілер Тулузада да көшеге шықты. Жаппай шеру Дижон, Страсбург, Марсель және Лион қалаларында да өтті, онда да құқық қорғау органдары көзден жас ағызатын газды қолданды

Республиканың ішкі істер министрі Жеральд Дарманеннің айтуынша, наразылық білдірушілер Ренндегі шіркеуге де шабуыл жасаған.


"Бүгін түнде Реннде полиция бөлімшесі мен шіркеуге бұзақылардың жасаған шабуылдары барып тұрған бассыздық", - деп жазды ведомство басшысы Twitter-де. Сондай-ақ ол кінәлілер жауапқа тартылатынын ескертті. 

Deutsche Welle басылымы Парижде 112 адам ұсталғанын хабарлады.

Бұл - Францияда зейнетақы реформасына қарсы 12-ші мәрте өткізіліп отырған жалпыхалықтық көтеріліс. Реформаны қабылдау қарсаңында өткізілгендіктен бұл жолғысы аяусыз басып-жаншуға ұшырады.


Жұма күні Франция Конституциялық кеңесі зейнетақы реформасының негізгі ережелерін, соның ішінде 2030 жылға қарай зейнетке шығудың ең төменгі жасын 62 жастан 64 жасқа дейін көтеруді заңды деп таныды.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: