Франциядағы наразылықтар: Конституциялық кеңес зейнетақы реформасын тексеретін болды

Франция, шеру, зейнеткерлік жасы, зейнетақы референдумы, сурет - Zakon.kz жаңалық 14.04.2023 15:06

Сурет: pixabay

Францияның Конституциялық кеңесі 16 наурызда Үкімет қабылдаған зейнетақы жүйесін өзгерту туралы заң жобасының Конституцияға сәйкестігі жөніндегі қорытындысын жұма күні жариялауы керек, деп хабарлайды Zakon.kz.

Конституциялық кеңес шешімі Астана уақыты бойынша сағат 21:30-да жарияланады. Зейнетақы реформасының заңдылығы жөніндегі мәселеден бөлек, Конституциялық кеңес зейнеткерлік жасын қазіргі 62 жастан ұлғайтуға тыйым салу мәселесі бойынша референдум өткізу мүмкіндігі туралы шешім қабылдайды (Үкімет ұсынған реформа оны 64 жасқа дейін арттыруды көздейді), деп жазды ТАСС.

Сонымен қатар Ұлттық жиналыстың (Парламенттің төменгі палатасының) және Сенаттың (жоғарғы палатаның) солшыл депутаттарының тобы бейсенбіде Конституциялық кеңеске референдум өткізу жөнінде тағы сауал жолдады.

Қаңтарда Францияда зейнетке шығу жасын 62 жастан 64 жасқа дейін көтеруді және бірқатар арнайы зейнетақы режимдерін жоюды көздейтін зейнетақы реформасының жобасы ұсынылды.

Бұл бастама бүкіл елде ереуілдер тудырды. 16 наурызда премьер-министр өзінің конституциялық өкілеттіктерін пайдаланып, заң жобасы Ұлттық жиналыста дауыс бермей қабылданатынын жариялады, бұл наразылықтардың жаңа толқынын тудырды.

Оқи отырыңыз