Германиялық әйел соғыста көз жазып қалған сіңлісін Қазақстаннан іздеп жүр

Болжамдары бойынша, Лиля Кесман бүгінде 80-82 жаста. Тұрмысқа шығып тегін де ауыстыруы әбден мүмкін.

"Менің анам өзі неміс ұлтынан, Украинда туып-өскен. 1941 жылы соғыс басталған кезде репрессияға ұшырап, Қазақстанға - Жамбыл облысы Жуалы ауданына келген. Бір отбасында 3 қыз, бір ұл болған". Жамбыл облысының тұрғыны Бейбіт Өтелбаев

Бейбіттің Өтелбаевтың марқұм анасының үлкен әпкесі Неля 96 жаста. Ол Қазақстаннан 1997 жылы қоныс аударған, қазір Германияда тұрады. Оның арманы - соғыс кезінде бір-бірінен көз жазып қалған сіңлісі Лиляны құшағына басу. Бұл туралы otyrar.kz хабарлады.

"Біз 4 бала болатынбыз. Үлкені мен едім. 1928 жылғымын, сіңлім Гертруда 1936 жылғы, інім 1938 жылғы, ең кенжеміз Лиля 1940 жылы маусымда туған. Біз  Қырымнан Қазақстанға 1941 жылы келдік. "Төңкеріс" совхозында тұрдық. Киіміміз жоқ, ашпыз. Осындағы адамдар бізді өз қамқорлықтарына алды. 1942 жылы әкемізді әскерге алып кетті. 1943 жылы ақпанда қара қағаз келді. Анамыз да көп ұзамай қайтыс болды. Жетім қалған бізді совхоздағы адамдар алды. Сіңлімді балалары жоқ отбасы бағып алды. Қанша өмірім қалды. Лиляны тапсам, басқа арман жоқ менде". Неля Кесман

Сурет: otyrar.kz

Өтелбаевтар отбасы апасы Лиля Кесанды Астанадан, Бурабайдан, Жамбыл және Түркістан облысынан іздеп жатыр. ІІМ көші-қон қызметінен бастап барлық архив, әлеуметтік орталық, қарттар үйіне хат жолдаған.

"Барлық жерге  сұраныс хат жібердік, нәтиже болмады. 1957 жылы балалар үйінен  Шымкенттегі "Эластик" шұлық фабрикасына жұмысқа орналасқан деген анықтама бар. Апамыздың бір белгісі бар екен: аяғындағы соңғы екі саусағы қосылған". Жамбыл облысының тұрғыны Бейбіт Өтелбаев

Оқи отырыңыз

Павлодарға қарасты ауылда тоқ соққан жасөспірім қайтыс болды

20:35, 25 сәуір 2024

Үсік, бұршақ, дауыл: Қазақстанның 14 өңірінде ауа райына байланысты ескерту жасалды

20:12, 25 сәуір 2024

Қазақстанның екі облысында республикалық маңызы бар жолдар ашылды

19:50, 25 сәуір 2024