Сомалидегі қуаңшылық салдарынан бірнеше мыңдаған адам босып кетті

Сомали, қуаңшылық, ашаршылық, сурет - Zakon.kz жаңалық 03.05.2023 11:37

Сурет: pixabay

Сомалидегі қуаңшылық салдарынан дақылдар дұрыс шықпай, елді аштық қаупі жайлады. Жергілікті халықтың негізгі асы саналатын жүгері 23 пайызға қымбаттады. Аймақтан 150 мың тұрғын босып кетті, деп хабарлайды Zakon.kz.

"Хабар 24" арнасы таратқан ақпарат бойынша, Шығыс Африка елдері соңғы 40 жылда болмаған құрғақшылық зардабын тартып отыр. Былтыр ашаршылықтан 43 мың адам қаза тапқан, әсіресе балалар көп қырылған.

Біріккен Ұлттар Ұйымы көмек көрсету үшін әлем елдерінен 2 милилард 600 миллион доллар қаржы сұраған. Әзірге 609 миллион доллар ғана жиналған.

Дүниежүзілік азық-түлік бағдарламасының атқарушы директоры Синди Маккейннің сөзінше, былтыр аштыққа қарсы күрес жақсы жүргенімен, биыл кедергілер көп. Ақша мүлде аз. Ол климаттың өзгеруі мен түрлі қақтығыстарға төтеп беру тиісті қаржыны жинауға кедергі келтіріп жатқанын айтты.

Оқи отырыңыз