Жаңалықтар тізбегі
0

12 мамыр – мейіргерлер күні

12 мамыр – мейіргерлер күні, сурет - Zakon.kz жаңалық 12.05.2023 10:03 Сурет: pixabay
Жыл сайын 12 мамырда ұлыбританиялық медбике Флоренс Найтингейл ұсынған Халықаралық мейіргер күні атап өтіледі. Ол мейіргер ісінің негізін қалаушы болып саналады. Сонымен бірге ол қоғамдық санада және мейіргердің қоғам денсаулығындағы рөлі мен орны туралы көзқарастарда төңкеріс жасаған.

Бүгінде бұл кәсіптік мереке 50-ден астам елде, оның ішінде Қазақстанда да атап өтіледі.

"Уақыт талабына сай мейіргерлердің орта медицина қызметкерлерінің емдеу процесіне қатысуы артып келеді. Олардың пациенттің денсаулығы үшін кәсіптік жауапкершілік сияқты функционалы кеңейіп жатыр. Шынында да, науқастарға барлық қамқорлықтың 80%-ын орта медицина қызметкерлері атқарады", - делінген ҚР Денсаулық сақтау министрлігінің хабарламасында.

Бүгінде Қазақстанның медицина ұйымдарында 188 мыңнан астам, ауылда 54 мыңнан астам, бастапқы буын деңгейінде 65 мың орта медицина қызметкері жұмыс істейді. Сонымен қатар болашақ орта медицина қызметкерлерін даярлаумен 91 медициналық колледж айналысады. Оның 24-і мемлекеттік және 67-сі мемлекеттік емес, 37-сі «жоғары» медициналық колледж мәртебесіне ие.

2022 жылдың деректері бойынша колледждерде 103 мыңнан астам студент оқиды, мемлекеттік білім беру тапсырысы бойынша 23 400 білім алушы оқуға түсті. Қазақстандық колледждер 9 мамандық бойынша: емдеу ісі, акушерлік іс, мейіргер ісі, стоматология, ортопедиялық стоматология, гигиена-эпидемиология, зертханалық диагностика, фармация, медициналық оптика бойынша даярлайды.

Денсаулық сақтау министрлігі барлық мейіргерді кәсіптік мерекесімен құттықтады.


"Сіздердің күнделікті еңбектеріңіз бен күш-жігерлеріңіздің, табандылықтарыңыз бен көп жылдық тәжірибелеріңіздің арқасында пациенттердің денсаулығы қалпына келеді, олар сауығып кететіндіктеріне сенеді. Шалғай елді мекендердегі ауылдық мейіргерлер жаңа туған нәрестелерді патронаждаудан бастап аға буынға күтім жасауға дейінгі медициналық көмектің барлық спектрін атқарады. Әрқайсыңызға отбасылық амандық, кәсіптік өсу, сарқылмас күш-қуат пен жағымды көңіл-күй тілейміз!" - делінген министрлік хабарламасында.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: