Тоқаев: Қытай Қазақстанның сыртқы саясатында өте маңызды рөл атқарады

Сұқбат, сурет - Zakon.kz жаңалық 12.05.2023 20:14

Сурет: akorda.kz

Қытайдың CCTV телеарнасының Leaders Talk бағдарламасына берген сұқбатында Мемлекет басшысы Қасым-Жомарт Тоқаев осылай деді, деп хабарлайды Zakon.kz.

"Қытай Қазақстанның сыртқы саясатында өте маңызды рөл атқарады. 2019 жылы мен Қытайда мемлекеттік сапармен болып, ҚХР төрағасы Си Цзиньпинмен келіссөздер жүргіздім. Біз халықтарымыздың бірлігін қамтамасыз ететін өзара тиімді саясатты ұстануға келістік. Бұл дегеніміз стратегиялық серіктестіктің мықтылығын білдіреді. Ол - екі ел арасындағы мәңгілік достықтың кепілі. Бұл - Қазақстан халқының ұзақмерзімді мүддесі". Қазақстан Республикасының Президенті Қасым-Жомарт Тоқаев

Президент осындай саясатты ұстануда Қазақстанның Қытайдың стратегиялық серіктесі болуына ешқашан күмәнмен қарамағанын жеткізді.

"Бұл елдің президенті ретінде арадағы достығымыз берік негізге ие болып, саяси және экономикалық жағынан өзара тиімділікті қамтамасыз етеді деп сенемін". Мемлекет басшысы Қасым-Жомарт Тоқаев

Айта кетсек, бүгін Қытайдың CCTV телеарнасының эфирінен Президент Қасым-Жомарт Тоқаевтың сұхбаты көрсетілетіні хабарланған болатын. Leaders Talk – халықаралық проблемалар талқыланатын бағдарлама. Бұған дейін аталған бағдарламаға 20-дан астам мемлекеттің басшылары мен халықаралық ұйымның жетекшілері эксклюзивті сұқбат берген.

Оқи отырыңыз