Франция 2024 жылғы жазғы Олимпиада алауын Эйфель мұнарасына орнатуды ойластырып жатыр

Сурет: unsplash

2024 жылы Парижде өтетін Жазғы Олимпиаданы ұйымдастыру комитеті Франция астанасының басты көрікті жері Эйфель мұнарасына Олимпиада алауын орнату нұсқасын жоспарлап отыр, деп хабарлайды Zakon.kz.

Reuters агенттігінің хабарлауынша, бұл жоба бойынша кейінгі екі жылда дайындық болып жатыр. Бірақ тапсырманы орындау барысында кейбір қиындықтар бар. Олардың ең маңыздысы – техникалық себептерге байланысты Эйфель мұнарасының ең жоғарғы жағында орнатылған антенналардың кесірінен отты қою мүмкін еместігі.

Сонымен қатар 2024 жылғы Олимпиадада от осы нысанда жағылатын-жағылмайтыны әлі белгісіз.

2024 жылғы Олимпиада ойындарының алауы 8 мамырда Грециядан Жерорта теңізі арқылы 10 күндік саяхаттан кейін "Белем" қайығымен Марсель портына келеді.

Париждегі жазғы ойындар 2024 жылдың 26 шілдесі мен 11 тамызы аралығында өтеді.

Оқи отырыңыз