Тоқаев: Қазақстанның ЕАЭО-ға мүше өзге елдермен арадағы тауар айналымы 74 пайызға ұлғайды

Мемлекет басшысы геосаяси қиындықтар бүкіл әлемдегі экономикалық жағдайға айтарлықтай ықпал етіп отырғанын баса атап өтті.

"Биыл халықаралық қаржы институттары әлемдік экономиканың өсіміне қатысты болжамды, орташа есеппен алғанда, шамамен екі есе төмендетті. Бірақ сыртқы факторлардың қысымына қарамастан, Еуразиялық экономикалық одақ аясындағы ынтымақтастығымыз қарқынды дамып келеді". ҚР Президенті Қасым-Жомарт Тоқаев

Президенттің айтуынша, Одаққа мүше мемлекеттер макроэкономикалық тұрақтылығын сақтап, экономикалық өсім қарқыны мен өзара сауда көлемін арттыруда.

"Мен өз тарапымнан ЕАЭО құрылғаннан бері Қазақстанның одаққа мүше өзге елдермен арадағы тауар айналымы 74 пайызға ұлғайғанын атап өткім келеді. Осы орайда экспорт 98 пайызға өсті. Бұл жақсы көрсеткіш деп санаймыз", - деді Мемлекет басшысы.

Оқи отырыңыз

Халықаралық ұйымдар: Қазақстанның мемлекеттік қарыз деңгейі "төмен" болып қала береді

12:59, 22 қараша 2024

Қазақстанда бірыңғай әлеуметтік қор құрыла ма - Еңбек министрі жауап берді

15:45, 21 қараша 2024

Бір парақтағы кесте: Әшімбаев мемлекеттік қорлар туралы есепті сынға алды

14:18, 21 қараша 2024