Жапон радиосында Димаштың Omir әні шырқалады

Димаш Құдайбергеновтың жаңа әні Жапон телеарнасында шырқалады, сурет - Zakon.kz жаңалық 01.06.2023 09:14

Сурет: Instagram/kudaibergenov.dimash

Танымал қазақстандық әнші Димаш Құдайбергеннің жаңа синглі1 маусым күні Жапонияның радиоларында ойналады, деп хабарлайды Zakon.kz.

Жаздың бірінші күні жапон радиосының толқынында More Music бағдарламасының World Music Scene бөлімінде қазақ эстрадасының жұлдызы Димаш Құдайбергеннің «Omir» композициясы ойналады, деп хабарлайды орындаушының ресми сайты.

Димаштың парақшасында жазылғандай, жапондық радиобағдарламаның жүргізушісі Като Кадзужи қазақстандық өнерпаздың жаңа композициясын естіп, өз әсерімен бөлісті.

"Осы әнді тыңдай отырып, Димаштың алға, тек алға ұмтылатын күшті ерік-жігерін сезінемін. Өмірді бір рет тыңдаған соң, қайта-қайта тыңдағың келетіні сөзсіз!"

Сондай-ақ, бағдарлама аясында жапон диджейлері Ерке Есмаханның «Батыр Мәншүк», HammAli & Navai, Jah Khalib «Боже, как завидую» әндерін эфирге шығарады.

24 мамырда 29 жасқа толған күні Димаш Құдайберген жанкүйерлеріне жаңа ән мен оған бейнебаян тарту етті. Оның айтуынша, Димаш «Omir» композициясын барша жанкүйерлеріне арнаған.

Оқи отырыңыз