Жаңалықтар тізбегі
0

"Өзенмұнайгаздағы" тексеріс кезінде құқық бұзудың 160 фактісі анықталды

өзенмұнайгаз, сурет - Zakon.kz жаңалық 03.06.2023 13:20 Сурет: ozen.kz
"Өзенмұнайгаздағы" тексеріс кезінде құқық бұзудың 160 фактісі анықталды, оның ішінде 101 факті бойынша жауапты тұлғалар жазаланады, деп хабарлайды Zakon.kz "ҚазМұнайГаз"-дың баспасөз қызметіне сілтеме жасап.

"ҚазМұнайГаз" арнайы жұмыс тобы Жаңаөзенде тексеріс жүргізуді жалғастырып жатыр. Қазіргі уақытта 55 шаруашылық қызмет нысаны, соның ішінде "Өзенмұнайгаз" АҚ 17 өндірістік құрылымдық бөлімшесі, 8 мұнай сервис ұйымы мен 30 басқа да мердігер ұйымның қызметі талданды. 

"Өзенмұнайгаз"-дың қаржы-шаруашылық қызметін тексеру кезінде алдын ала 160 бұзушылық пен сәйкессіздік анықталды, оның ішінде:

  • 7 факті ҚР заңнамасына сай шаралар қабылдау үшін құқық қорғау органдарына жіберілді;
  • 10 факті бойынша қызметтік тергеу жүріп жатыр;
  • 101 факті бойынша жауапты тұлғаларға тәртіптік жаза қолданылады.

Келтірілген шығын сомасы процессуалды және регламенттеуші іс-шаралардың қорытындысы кезінде белгілі болады.

"Біз құқық қорғау органдарымен тығыз жұмыс істеп, заңға қайшы анықталған әрекеттер жайлы дер кезінде хабарлап отырмыз. Бұдан әрі олар тергеу жүргізіп, өзге іс-шараларды қолға алады. Солардың біріне кеше Экономикалық тергеу департаментінің "Өзенмұнайгаз" бас директорының орынбасарын ұстау фактісі де жатады. Комиссияның жұмысы әлі аяқталмады, көптеген факт бойынша қызметтік тергеулер жүріп жатыр", - деді арнайы жұмыс тобының жетекшісі, "ҚазМұнайГаз" басқарма төрағасының орынбасары Дәулетжан Хасанов.

Еске салайық, кеше, 2 маусымда Маңғыстау облысы бойынша экономикалық тергеп-тексеру департаменті "Өзенмұнайгаз" АҚ бас директорының орынбасары Бауыржан Мәмбетсапаевты лауазымдық өкiлеттерін шектен тыс пайдаланды деген күдікпен ұстады.

Мәмбетсапаев жұмысқа қабылдау туралы бекітілген қағидаларды өрескел бұзып, өзінің бірнеше танысын "Өзенмұнайназ" АҚ-на заңсыз қабылдаған.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: