Жаңалықтар тізбегі
0

Танымал ақын, Қазақстанның еңбек сіңірген қайраткері Қойшығұл Жылқышиев дүниеден озды

Қойшығұл Жылқышиев дүниеден озды, сурет - Zakon.kz жаңалық 06.06.2023 20:32 Сурет: Facebook/Жазушылар одағының Маңғыстаудағы филиалы
Белгілі қаламгер-публицист, Қазақстан Жазушылар одағының Атырау облыстық филиалының директоры, ақын, Махамбет атындағы сыйлықтың иегері, Қазақстанның еңбек сіңірген қайраткері Қойшығұл Жылқышиевтың 74 жасында дүниеден озды, деп хабарлайды Zakon.kz.

Қаралы хабармен Жазушылар одағының Маңғыстаудағы филиалы Facebook-тегі парақшасында бөлісіп, марқұмның отбасына, атыраулық әдеби орта, барша қаламгерлер қауымына көңіл айтты.

"Тележурналистика, сахна өнері, қоғамдық қызмет, әдебиет пен өнердің сан саласында ұйымдастырушылық пен талантын аянбаған жақсы ағаның жарқын жүзі ұмытылмайды. Топырағы торқа, иманы жолдас болғай!", делінген көңіл айту жазбасында.

Қойшығұл Жылқышиев 1948 жылы 24 қазанда Атырау облысының Индер ауданындағы Жарсуат ауылдық кеңесіне қарасты Жаманқұдық жайлауында дүниеге келген.

1975 жылы ҚазМУ-дің журналистика факультетін бітірген.

Қазақ КСР Мәдениет министрлігінде, Қазақ теледидарында қызмет істеген. "Өнерпаз" қоғамдық қайырымдылық қорының президенті. Республикалық "Махамбет" қорының тете-президенті. Ұзақ жыл Қазақстан Жазушылар одағының Атырау облыстық филиалының директоры болды.

1996 жылы М.Өтемісұлы туралы публицистикалық мақалары үшін Қазақстан Журналистер одағының А.Байтұрсынов атындағы сыйлығын алды. "Тұңғыш" (1978), "Мұң-кітап" (1998), "Асаукер" (2001) жыр кітаптарының авторы.


Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: