Бүгін Мемлекет басшысының жұмыс кестесінде 3 маңызды кездесу жоспарланған

Сурет: Zakon.kz

Бүгін, 7 маусымда мемлекет басшысының жұмыс кестесінде бірқатар кездесулер жоспарланған, деп хабарлайды Zakon.kz.

Бүгін Қасым-Жомарт Тоқаев Астана халықаралық форумына қатысу үшін арнайы келген ЕҚЫҰ Бас хатшысы Хельга Шмидпен кездесу өткізеді

Кездесуде ЕҚЫҰ мен Қазақстанның серіктестігін нығайту перспективалары талқыланады.

Мемлекет басшысы ЮНЕСКО-ның Бас директоры Одрэ Азулені қабылдайды.

Кездесу барысында білім, ғылым, мәдениет салаларындағы ынтымақтастық мәселелері қарастырылады. Былтыр Қазақстанның ЮНЕСКО-ға мүше болғанына 30 жыл толды.

Президент Қасым-Жомарт Тоқаев Қатар Әмірі шейх Тәмим бен Хамад Әл Тәни бастаған делегациямен кездеседі.

Тараптар сауда-экономика, инвестиция салаларындағы стратегиялық серіктестікті одан әрі кеңейту мәселелерін талқылайды.

Оқи отырыңыз